![](https://static.wixstatic.com/media/b47397_468f9eb931754f699fae8ca288d64171.jpg/v1/fill/w_354,h_109,al_c,lg_1,q_80,enc_auto/b47397_468f9eb931754f699fae8ca288d64171.jpg)
“Kahungunu, kua aua atu e tāria ana kia huri mai koutou ki te reo, ā, kua huri mai koutou, me mihi i tērā āhua”. Nā Tīmoti Kāretu ēnei kupu nei i whakatakoto i tana kauhau ki te marea i tae ake ki Te Pō Tuku Tohu Reo Māori a Ngāti Kahungunu i tū ki Heretaunga i te 17 o ngā rā o Aperira 2015. Neke atu i te 500 ngā tāngata i tae atu ki te whakanui i ngā kaiwhiwhi o ngā tohu e 17. Whakamīharo kē atu ana ki te tokomaha i pōī atu i runga i te aroha nui ki te reo Māori ka tahi, me ōna Kahungunutanga ka rua.
Kai hea mai tēnei kaupapa nei hai whakatiketike i tēnei hunga e noho ake nei hai iho pūmanawa mā te hunga e kaingākau ana ki te reo Māori. Tēnā rā koutou e kōrero nei, e whakamahi nei, e whakakake nei, e whakatairanga nei i tō tātau reo rangatira, mā tātau katoa ia e ora ai. Ngā mihi nui ki a koutou katoa.
To know more about the winners, please click on the appropriate category.
Categories and winners
Te Whakaihuwaka o Te Reo Māori - Rōpata Hepi
Ngā Tohu Kaiwhakaako Reo Māori (Rūmaki Māori) - Georgina Kīngi
Ngā Tohu Kaiwhakaako Reo Māori (Auraki) - Marino Tiuka
Ngā Rōpū Whakaako i Te Reo Māori - Te Ūranga Waka (EIT)
Te Hapori Whānui - The Wairoa Star
Te Kaiwhakatairanga i Te Reo Māori - Pourerere Marae
Te Tira Hou o Te Reo Māori (Rangatahi) - Josh Rakatairi
Te Kete Aronui o Ngā Toi (Arts) - Tama Huata
Te Ahorangi o Te Kupu (Teacher) - Hīria Tūmoana
Te Tahito o Te Reo Māori (Tāne) - Enoka Munro
Te Tahito o Te Reo Māori (Wahine) - Naina Buxton
Te Kaikōkiri o Te Reo Māori - Pōrangahau Marae
Te Kahukura o Te Reo Māori - Rangihaereroa Te Rupe
Te Āwhiorangi o Te Reo Māori - Dr. Joseph Te Rito
Te Kuru Pounamu o Te Reo (Wahine) - Apikara Rarere
Te Kuru Pounamu o Te Reo (Tāne) - Canon Wi Te Tau Huata
![](https://static.wixstatic.com/media/b47397_b330ef653ecf4c3b803b5acdf5986e61.jpg/v1/fill/w_226,h_179,al_c,q_80,usm_0.66_1.00_0.01,enc_auto/b47397_b330ef653ecf4c3b803b5acdf5986e61.jpg)
Rōpata Hepi
Ko Mataatua te waka
Ko Ngāti Awa te iwi
Ko Putauaki te maunga
Ko Rangitaiki te awa
He pōu nō te Kōhanga Reo, he ika-ā-whiro nō Te Panekiretanga o Te Reo, he kaiāwhina nō Te Ataarangi, he kanohi kitea i ngā marae maha o Ngāti Kahungunu, he pūkōrero nō te iwi, he kaikōkiri mō te reo Māori, ko Rōpata Hepi tēnei. Nō nā tata nei i tohua ai ia e te motu ki te rōpū, Ngā Tuarā Whānui, ko tā rātau mahi he kohikohi haere i ngā whakaaro o ngā whānau o ngā kōhanga reo puta noa i Aotearoa nei mō te āhuatanga ki ngā whakahaere o Te Kōhanga Reo. He ngākau māhaki a Rōpata, ā, e tino kaingākau ana ki te āwhina i te hunga e hiakai ana ki tō tātau reo rangatira.