PĀNUI PĀPĀHO - 3 o Hūrae 2023
TE WAEWAE TŪTUKI!
Ko Ngāti Kahungunu Iwi Inc. ka whakatū i tana
Hui Whakarauora Reo Māori tuaono,
i a Te Reo Ki Tua!
Ko Ngāti Kahungunu Iwi Inc. e hiamo ana ki te pōhiri anō i te motu ki “Te Reo ki Tua! Hui Whakarauora Reo Māori ā-Motu” tuaono, ka tū hei te Taite te 10, me te Paraire te 11 o Akuhata 2023 ki Clubs Hastings, Albert Tiriti, Heretaunga. Ko te kaupapa ka whakakite i ngā mātanga reo o te motu kua whakapau kaha i ngā tau huhua kua pahure ki te whakarauora i te reo taketake o Aotearoa, i tata korehāhā i ngā rohe tini i ngā tau nohinohi o te 1900. Ko te hui taumata nei ka whakaatu i ngā tāngata rongonui maha, i tipu ki te reo, i ako rānei i te reo, kua whai umanga angitū i tēnei ao.
Ko te whāinga mō te hui nei ko te hora i ngā mōhiotanga mō te āhua o te reo i tēnei wā tonu, me te whakakipakipa i ngā toa reo hei whakakipakipa i ētahi atu ki te ako, ki te whakamahi me te whakarauora i te reo. Ko ngā kaikōrero kanorau ka whakakōrero i ngā āhuatanga katoa o te whakarauora reo, te whakamahere reo, iti mai, rahi mai hoki, te kapa haka, te marae, te pāpāho, ngā toi, ngā huarahi whakaako, te reo ruatanga ki roto i ngā hapori, te whakatipu tamariki i tētahi taiao reo Māori anake, te porotū mō te reo, me te tuhituhi. Ko te hui nei mā te katoa e hiahia ana ki te whakarongo ki ngā huarahi auaha hei ako i te reo, hei whakakounga i te reo, hei whakatairanga i te reo, hei whakamau hoki ki te pae tawhiti o te whakatipu tamariki reo Māori. Ko tā te hui taumata nei he whakakipakipa i ngā kaiwhakaoreore me ngā kaiwhakangāueue puta noa i te motu. Ka wātea i te hui tētahi ratonga whakapākehātanga mataroa kia mārama ai ngā karere ki te minenga katoa.
Ko te kaupapa o te hui taumata i te tau nei ko: “Te waewae tūtuki!”, he whakahoki i ō tātau whakaaro ki te kino i pā ki tēnei rohe i te āhuatanga ki te huripari i te tīmatanga o te tau. He mea tiki ake tēnei i te kōrero rongonui a Te Otāne, i kī rā ia: “Kaua hei hoki i te waewae tūtuki, āpā anō hei te upoko pakaru”. Ko te hui taumata ka whakakite i ngā mātanga e para ana i te huarahi i te kauhanga nei. Ko tā te hui taumata nei he whakakipakipa i ngā toa o te reo mā te whakarongo ki ngā uauatanga me ngā taumahatanga i tūwhitia e ērā kei tēnei ao o te whakarauora reo, mā te whakaatu hoki i ō rātau huarahi auaha e aro nei ki te oranga tonutanga o te reo.
Ko te wawata mā te hui taumata nei e whakakipakipa ētahi atu ki te pakanga tonu kia ora ai te reo, me te manako nui kia puta ai he tauā whakarauora reo Māori ki te ao.
Mō ētahi atu taipitopito mō Te Waewae Tūtuki! Whakapā ki a:
Jeremy MacLeod – Director of Te Reo, Tikanga & Mātauranga
Ngāti Kahungunu Iwi Incorporated
MEDIA RELEASE - 3 JULY 2023
TE WAEWAE TŪTUKI!
Ngāti Kahungunu Iwi Inc. hosts sixth Māori language revitalisation symposium Te Reo Ki Tua!
Ngāti Kahungunu Iwi Inc. is thrilled to once again invite the nation to the sixth “Te Reo ki Tua! National Māori Language Revitalisation Symposium”, being held on Thursday the 10th and Friday the 11th of August at Clubs Hastings, Albert Street, Hastings. This initiative showcases some of the nation’s most prolific language exponents who have worked tirelessly over decades to successfully revive the indigenous language of Aotearoa which was all but nearly decimated in many regions during the early 1900s. This symposium enlists an array of well-known personalities, both native speakers and second language learners, having made successful careers within the field.
The goal from this symposium is to raise awareness around the current state of our language, and to inspire language champions who will in turn inspire others to learn, use and save the language. The array of speakers covers all facets of the world of language revitalisation, from macro & micro language planning to kapa haka, to marae, to media, to the arts, to teaching pedagogies, to bilingualism within communities, to raising children in a full immersion environment, to language activism and to literature. This symposium is for anyone who is interested in hearing innovative ways of learning te reo, mastering te reo, promoting te reo, revitalising te reo and maintaining the zest required to raise native reo Māori speaking children. The symposium aims to inspire language movers and shakers from across the nation. The symposium will provide a simultaneous interpretation service to ensure that the message is received by all attendees.
The theme of this year’s symposium is: “Te waewae tūtuki!”, meaning the demonstration of resilience especially given the destruction caused by Cyclone Gabrielle earlier this year. The theme is derived from the famous saying of Te Otāne: “Kaua hei hoki i te waewae tūtuki, āpā anō hei te upoko pakaru”. This symposium showcases some of the nation’s leading experts in the field. This symposium aims to inspire language champions by hearing first-hand the trials and tribulations faced by those in the field of language revitalisation, showcasing their innovative methods aimed at the successful retention of the language.
It is hoped that this symposium will inspire others to continue the battle to save our language, and ultimately deploy an army of language champions.
Mō ētahi atu taipitopito mō Te Waewae Tūtuki! Whakapā ki a:
Jeremy MacLeod – Director of Te Reo, Tikanga & Mātauranga
Ngāti Kahungunu Iwi Incorporated
